Marka aan soo koobo waxa aan ahay Madaxa Suuqgeynta ahna La’aasaasaha shirkadda Isbaahi Digital Agency, sidoo kale waxa aan ahay Madaxa ICT-ga Wasaaradda Ganacsiga Warshadaha Iyo Maalgashiga DPL. 

Waxaan soo aasaasay ganacsiyo dhowr ah oo intooda badan ay guuleysteen ilaa haddana shaqeeyaan, sidoo kale waxa aan ahay u dhaqdhaqaaqe arrimaha bulshada (social activist), kaas oo u qareema qaddiyadaha masiiriga ah ee sida tooska ah bulshada u saameeya.

Waxaan hadda u taagnahay in aan bulshadayda ugu shaqeeyo, boos aan ku meteli karo oo aan si dhab ah ugu qareemi karo. Arrintaas ayaa igu dhalisay in aan isu taago xubinnimada Golaha Wakiillada Dowladda Puntland, si aan u dhaqangaliyo barnaamij wax-ku-ool ah, aniga oo ka faa’idaysanaya tamartayda dhaladka ah, aqoontayda & khibraddayda, iyo talooyinka waxgaradka Soomaaliyeed.